مؤمن | عضو نشيط |
عدد المساهمات : 17 نقاط : 26 العمر : 33
| موضوع: حوار مع تيتا!!! الثلاثاء 2 أغسطس 2011 - 14:14 | |
|
أهـــلاً بيكم أعضائــنا الكــرام و الســـلام عليكم و رحـــمة الله و بركــــــــــــاته
طبعا كله داخل يشــوف إيه حــوار مع تيـــتا ده هههههههه دا موضوع خفيف لذيذ ظريف لطيف و أتمنــى يا رب لو يعجبكم
الناس الكبيره بطبعها بتتعبنا أوقات بكلامها الكتير و تصرفاتها المقيده لحريتنا يعنى مثلا مش بيحبوا الصداع و الضحك الكتير و التنطيط كمان حكم السن زى ما أوقات بيخليهم بيسمعوا الاصوات الخافته عاليه و مزعجه..أوقات مش بيسمعوا كويس تعـــــــــالـــوا نشــــوف تيــــتا هتقـــول إيــه لإبن ابنـــها
حــــــــــــوآآآآآآآآر مــــعــ تـيـــتـا
فى احد البيوت المصرية.......................
الله أكبر الله أكبر..أذان الظهر..
-يارب.. يارب بحق ده الآدان تنجح يابن ابنى وأشوفك دكتور أد الدنيا
-ياستى بس أنا فى الاداب
-وماله يابنى هو يكتر على ربنا...... ده ربنا قادر على كل شئ
-ياستى ونعم بالله بس اللى بيطلع دكتور دا لازم يكون فى كلية الطب مش الاداب
-ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق
-جدى إيه اللى هايخدنى معاه .....ده جدى مات من زمان ياستى
-يامصيبتى .. هوا عبد الواحد مات..ياحبيبى ياأخويا..مكنش يومك ياسبعى
-ياستى ده ميت من تلاتين سنة
-تلاتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..إن ما عمره دخل عليه ببطيخة ولاكيس جوافة
-ياستى حرااام عليكى عايز أذاكر بقى
-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون
-ياستى دبلوم إيه..أسمه البكالوريوس
-أنته هتضحك عليا ياوله..أسمه الدبلون الواد ابن عبده زيك كده فى مدرسة الاداب وخد الدبلون
-خلاص دبلوم دبلوم ياستى ..سيبينى بقى عشان أذاكر
-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلام كمان
-ياستى عبير دى معاها إعدادية
-وماله يابنى ...الراجل مايعيبوش إلا جيبه
-راجل ...راجل مين ياستى...عبير دى بنت
-عبير ...عبير مين ياوله..أنته بتعرف بنات من ورايـا
-لا إله إلا الله....أبوس رجلك ياستى أرحمينى بقه
-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس و النبى لأكون مبوظه الخطوبة دى ومجوزاه أنيسة بت أختى
-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوكى مش بنت أختك ..وأساسا إنتى ملكيش إخوات بنات
-صحيح ياوله ..أنته عندك حق أنا مليش إخوات بنات..أصل أنا أمى مكانتش بتخلف
-حرااااااااااااااااااااااا ااااااااااام ............ستى ماتطلعى البلكونة شويه ...ده الهوا حلو بره
-لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى
-خلاص روحى المطبخ ...أهو زمان أمى خلصت الرز
-رز...رز إيه يابنى....هو أنا ليه سنان للرز...أناهطلع البلكونه أحسن
-طب أبقى خلى بالك م الهوى ياستى
-هوى لما يلطشك
الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها
ياترى أنا كان إسمى إيه؟؟
| |
|
el almaney | عضو نشيط |
عدد المساهمات : 53 نقاط : 146 العمر : 29
| موضوع: رد: حوار مع تيتا!!! الثلاثاء 2 أغسطس 2011 - 17:15 | |
| أرجوا ان تعرفنا بنفسك يا اخ مؤمن | |
|
إدارة الموقع || ™ مدير الموقع ™ ||
عدد المساهمات : 390 نقاط : 985 العمر : 31
| موضوع: رد: حوار مع تيتا!!! الثلاثاء 2 أغسطس 2011 - 22:26 | |
| منورنى ومشرفنى يا مؤمن بيه .. اهلا بيك
وبمساهماتك الجميلة ذات الذوق العالى
...
يا احمد مؤمن صديقى .. شخصيه رائعه
تانيه كلية زراعه جامعه الازهر
من دمياط ..
| |
|
awad aborawash | عضو نشيط |
عدد المساهمات : 90 نقاط : 119 العمر : 30
| موضوع: رد: حوار مع تيتا!!! الجمعة 5 أغسطس 2011 - 23:23 | |
| | |
|
hima || مساعد المدير ||
عدد المساهمات : 88 نقاط : 186 العمر : 28 الموقع : english.a7larab.net
| موضوع: رد: حوار مع تيتا!!! الأحد 14 أغسطس 2011 - 23:06 | |
| | |
|